«Barselona» sobiq futbolchisi faoliyatini BAAda davom ettiradi
Ispaniyalik vinger Kristian Tello BAAning ikkinchi divizonida ishtirok etuvchi «Palm Siti» jamoasiga oʻtdi. Bu haqda klub matbuot xizmati rasman eʼlon qildi.
Manbaga koʻra, «Palm Siti» mamlakatning oliy divizioniga chiqish uchun kurashmoqda va klub rahbariyati Telloning tajribasi bu maqsadga erishishda yordam beradi, degan umidda.
Maʼlumot uchun, Tello «Barselona» va «Espanyol» akademiyalarining tarbiyalanuvchisi boʻlib, professional faoliyati davomida «Portu», «Fiorentina», «Betis», «Los-Anjeles», shuningdek, Saudiyaning «Al Fotih» va «Al Uruba» klublarida oʻynagan.
Tello «Barselona» bilan Ispaniya chempioni, mamlakat kubogi va Superkubogi sohibi boʻlgan. «Betis» safida esa Ispaniya kubogini yutgan. «Los-Anjeles» bilan esa MLS chempioni va mavsum gʻolibi boʻlgan.
