«Barselona» «Norvich Siti»ning 15 yoshli hujumchisiga qiziqish bildirmoqda
«Barselona» «Norvich Siti»ning 15 yoshli hujumchisi Adjay Tavaresni o‘z safiga qo‘shib olishni rejalashtirmoqda. Bu haqda Goal.com nashri xabar berdi.
Manbaga ko‘ra, yosh futbolchini bir nechta Yevropa klublari kuzatib kelgan, ular orasida «RB Leypsig» va Dortmundning «Borussiya» jamoasi ham bor. Biroq aynan «Barselona» eng qulay shartlarni taklif qilgan va transferni yaqin vaqt ichida yakunlashni maqsad qilgan.
Tavares «Norvich Siti» U18 jamoasida chap qanot hujumchisi sifatida to‘p suradi. U klubning asosiy tarkibida rasmiy uchrashuvlarda maydonga tushmagan, biroq iyul oyida Niderlandiyaning «Volendam» jamoasiga qarshi mavsumoldi o‘yinida ishtirok etgan.
Angliya U17 terma jamoasi safida esa 4 ta uchrashuv o‘tkazgan, ammo hozircha gol yoki assist qayd etmagan.
