“Barselona” Markus Reshfordga qiziqish bildirmoqda, biroq...

Futbol 30 apr 2025 da 09:28

Nasrullo Karimov

Jurnalist

Kataloniyaning “Barselona” klubi “Manchester Yunayted” vingeri Markus Reshfordga qiziqish bildirmoqda. Bu haqda The i Paper nashri xabar berdi.

Manbaga ko'ra, “qizil iblislar” angliyalik futbolchining transferi uchun 40 million funt sterling talab qilmoqda, biroq kataloniyaliklar bu narxni juda yuqori deb hisoblamoqda va buncha pul to'lamoqchi emas.

Ta'kidlanishicha, Reshfordning o'zi faoliyatini “Barselona”da davom ettirishga qarshi emas va buning uchun maoshini kamaytirishga ham tayyor.

Eslatib o'tamiz, Reshford o'tgan qishki transferlar vaqtida ijara asosida “Aston Villa”ga o'tgandi. Uning mankunianliklar bilan tuzgan amaldagi shartnomasi 2028-yilning yoziga qadar amal qiladi.