«Barselona» Levandovski oʻrniga toʻrt nafar nomzodni koʻrib chiqmoqda

«Barselona» 2026 yil yozida shartnomasi yakunlanadigan Robert Levandovskiga o‘rinbosar qidirishni boshladi. Katalon klubi to‘rt nafar nomzodni ko‘rib chiqmoqda. Bu haqda Sport.es nashri xabar berdi.

Manbaga ko‘ra, asosiy variant sifatida Madridning «Atletiko» klubi hujumchisi Xulian Alvares ko‘rib chiqilmoqda. Argentinalik futbolchi joriy mavsum klub safida barcha musobaqalarda 15 o‘yinda ishtirok etib, «gol+pas» tizimi bo‘yicha 9+4 natija qayd etgan.

Shuningdek, «Bavariya» forvardi Garri Keyn ham «Barselona» ro‘yxatida. Sababi — yozdan boshlab ingliz futbolchisining shartnomasida 65 million yevrolik tovon puli bandi kuchga kiradi. Keyn mavsum boshidan beri 16 ta uchrashuvda 22 ta gol urgan.

Dortmundning «Borussiya» klubi hujumchisi Seru Giras­si hamda «Levante» futbolchisi Karl Eduard Etta Eyon ham Levandovski o‘rnini to‘ldirishi mumkin bo‘lgan nisbatan arzon variantlar sifatida «Barselona»ning qisqa ro‘yxatiga kiritilgan.

Nasrullo Karimov

Jurnalist