«Barselona» Kunde bo‘yicha takliflarni ko‘rib chiqmoqda
"Barselona" klubi fransuz himoyachisi Jyul Kundening ehtimoliy yozgi transferi arafasida bozorni o‘rganishni boshladi. Bu haqda TEAMtalk xabar bermoqda.
Manbaga ko‘ra, futbolchining vakillari Yevropaning qator top-klublariga Kunde nomzodini taklif qilib, unga bo‘lgan qiziqish darajasini o‘rganmoqda.
Kataloniya klubi himoyachini sotish ehtimolini istisno qilmayapti va turli transfer variantlarini tahlil qilmoqda.
Hozirda Kundega Angliyaning "Chelsi", "Liverpul", "Arsenal", "Manchester Siti", shuningdek "Bavariya" klublari qiziqish bildirmoqda. Ularning barchasi o‘ng qanot himoya chizig‘ini kuchaytirishni rejalashtirmoqda.
Biroq transfer amalga oshishiga ikki asosiy omil to‘sqinlik qilishi mumkin. Birinchisi — futbolchining yuqori transfer narxi, ikkinchisi esa haftasiga taxminan 233 ming yevro ortiq maosh olishi.
Xabar qilinishicha, "Barselona" Kunde uchun kamida taxminan 58,4 million yevro ishlab olishni maqsad qilgan. Shu bois, ushbu transfer ko‘plab da’vogar klublar uchun moliyaviy jihatdan murakkab bo‘lishi mumkin.
