«Barselona» joriy mavsum uchun moʻljallangan toʻrtinchi libosini taqdim etdi
Bu safargi formalar «Real» ustidan qozonilgan gʻalaba sharafiga bagʻishlangan.
FOTO: Getty Images
Kataloniyaning «Barselona» klubi joriy mavsum uchun ishlab chiqilgan to‘rtinchi komplekt formasining ko‘rinishini namoyish etdi.
Ushbu forma 2005 yilda «Santyago Bernabeu» stadionida «Real Madrid» ustidan qozonilgan yirik g‘alabaga bag‘ishlangan.
Kataloniyaliklar matbuot xizmati tarqatgan bayonotda aytilishicha, to‘rtinchi forma «2005 yil 19 noyabr kuni safarda “Real” ustidan qozonilgan g‘alabani eslatadi».
O‘sha o‘yinda «Barselona» madridliklarni 3:0 hisobida mag‘lub etgandi. Gollarni Samuel Eto’O va Ronaldinyo (dubl) kiritgan.
Nasrullo Karimov
Jurnalist
