\"Barselona\" himoyachisi Saudiyadan kelgan taklifni rad etdi
Unga A Seriyada ham taklif bor.
Photo: Getty Images
“Barselona” himoyachisi Andreas Kristensen yozda boshqa jamoaga o'tishi kutilmoqda, deya xabar beradi Diario Sport.
Manbaga ko'ra, Kataloniya klubi bosh murabbiyi Hans-Dieter Flik daniyalik futbolchini o'z rejalariga kiritmagan.
Unga Saudiya Arabistoni klublaridan mo'may daromadli taklif tushgan. Biroq Andreas Yevropani tark etishni istamayapti va klub taklifini rad etgan.
“Milan” ham Andreas bo'yicha taklif bilan chiqqan. Futbolchi A Seriyaga ham yo'l olishi mumkin.
Eslatib o'tamiz, himoyachi 2022 yildan beri “Barselona” safida to'p surib kelmoqda.
Roziqjon Sultonmurodov
Jurnalist
