«Barselona» Grimaldoni «Bayer»dan 10 million yevroga sotib olishi mumkin — Moretto
“Bayer” 30 yoshli qanot himoyachisi Alexandro Grimaldoning narxini 10 million yevro etib belgiladi. Bu, futbolchi akademiyasining bitiruvchisi bo‘lgan “Barselona”, shuningdek, Madridning “Atletiko” klublari e’tiborini tortdi. Bu haqda Sport.es nashri jurnalist Matteo Morettoga tayanib xabar berdi.
Manba bergan ma’lumotlarga ko‘ra, “Barselona” va “Atletiko” Grimaldo bilan bog‘liq vaziyatni kuzatmoqda, biroq hech bir klub “dorishunoslar”ga rasmiy taklif bilan chiqmagan. “Bayer” futbolchini yozda sotishga tayyor, chunki uning shartnomasi kelasi mavsum oxirida yakuniga yetadi.
O‘tgan mavsumda Grimaldo barcha musobaqalarda 46 ta o‘yinda ishtirok etib, 14 ta gol va 12 ta golli uzatmaga mualliflik qildi. Transfermarkt portalida taqdim etilgan ma’lumotlarga ko‘ra, futbolchining bozor qiymati 20 million yevroni tashkil etadi.
