«Barselona» Flikning yosh hujumchiga imkoniyat bermayotganidan norozi
«Barselona»da bosh murabbiy Hans-Diter Flikning bir qarori bo‘yicha norozilik bor. Bu haqda El Nacional xabar berdi.
Gap yosh hujumchi Hamza Abdelkarim haqida ketmoqda. 18 yoshli futbolchi mavsumoldi yig‘inlari davomida o‘zini yaxshi tomondan ko‘rsatgan va klub rahbariyati uning rasmiy uchrashuvlarda ham muntazam ravishda maydonga tushib, rivojlanishini davom ettirishini kutgan.
Biroq Flik Abdelkarimga hozircha deyarli imkoniyat bermayapti. U mavsum boshidan buyon faqat bir uchrashuvda hujumchini zaxiradan maydonga tushirgan va u ham bahsning so‘nggi daqiqalarida ro‘y bergan. Qolgan uchrashuvlarda Abdelkarim 90 daqiqa davomida zaxira o‘rindig‘ida qolgan.
«Barselona» navbatdagi uchrashuvini 10-oktabr kuni o‘z maydonida «Xetafe»ga qarshi o‘tkazadi.
