«Barselona» «Borussiya D» himoyachi bilan muzokaralar olib bormoqda
Kataloniyaning «Barselona» klubi Dortmundning «Borussiya» jamoasi himoyachisi Yulian Ryurersonni Jyul Kundega muqobil variant sifatida ko‘rib chiqmoqda. Bu haqda Sky Sport Germany jurnalisti Patrik Berger xabar berdi.
Manbaga ko‘ra, kataloniyaliklar fulbek pozitsiyasini nisbatan tejamkor tarzda kuchaytirishni rejalashtirmoqda va allaqachon 28 yoshli norvegiyalik futbolchi vakillari bilan dastlabki muzokaralarni o‘tkazgan. Biroq hozircha tomonlar o‘rtasida aniq kelishuvga erishilmagan.
Yulian Ryurersonning «Borussiya» bilan amaldagi shartnomasi 2028 yil yoziga qadar mo‘ljallangan. Shunga qaramay, futbolchi yozgi transferlar oynasida klubini o‘zgartirish variantini istisno etmayapti.
Transfermarkt portali Ryurersonning bozor qiymatini 20 million yevroga baholamoqda.
