«Barselona» Alvares o‘rniga Lautaro Martinesni sotib olishi mumkin
«Barselona» «Atletiko» hujumchisi Xulian Alvares transferi bo‘yicha muzokaralarda oldinga siljiy olmayapti. Bu haqda ElDesmarque xabar berdi.
Shu bois kataloniyaliklar argentinalik forvardning muqobili sifatida «Inter» hujumchisi Lautaro Martines nomzodini jiddiy ko‘rib chiqmoqda.
Manbaga ko‘ra, Alvares hali ham «Barselona»ning asosiy transfer maqsadi bo‘lib qolmoqda. Biroq sport direktori Deko «Atletiko» bilan kelishuvga erisha olmasa, Lautaro variantiga o‘tishga tayyor.
Lautaro nomzodini bosh murabbiy Xansi Flik ham, Deko ham yuqori baholamoqda. Shu sabab «Inter» forvardi kataloniyaliklar uchun tobora jiddiy muqobil variantga aylanib bormoqda.
Shu tariqa, «Barselona»ning hujumchi xarid qilish bo‘yicha rejasi hozircha ikki asosiy nomzod — Alvares va Lautaro atrofida shakllanmoqda.
