«Barselona» 17 yoshli misrlik hujumchiga qiziqish bildirmoqda
«Barselona» Misr yoshlar terma jamoasi hamda Qohiraning «Al Ahli» klubi markaziy hujumchisi Hamza Abdulkarimga qiziqish bildirmoqda. Bu haqda jurnalist Fabritsio Romano X ijtimoiy tarmog‘idagi sahifasida ma’lum qildi.
Italiyalik jurnalist 17 yoshli forvardni iqtidorli futbolchi sifatida ta’riflab, uning kelajagi bo‘yicha dastlabki muzokaralar noyabr oyida bo‘lib o‘tganini ta’kidladi.
Shu bilan birga, hozircha Abdulkarimning «ko‘k-anorranglilar» safiga ehtimoliy transferi bo‘yicha kelishuvga erishilmagan, ammo futbolchi kuzatuv ostida qolmoqda.
Joriy mavsumda Abdulkarim barcha turnirlarda 2 ta uchrashuvda maydonga tushgan, biroq gol yoki assist qayd etmagan. Transfermarkt ma’lumotlariga ko‘ra, futbolchining bozor qiymati 100 ming yevroni tashkil etadi.
