\"Arsenal\" Subimendining transferini e'lon qildi

Futbol 06 iyl 2025 da 07:56

Roziqjon Sultonmurodov

Jurnalist

"Arsenal" klubi rasmiy saytida yarim himoyachi Martin Subimendi "Real Sosyedad"dan transfer qilinganini e'lon qildi.

Qayd etilishicha, 26 yoshli futbolchi London klubi bilan uzoq muddatli shartnoma imzolagan.

Avvalroq, jurnalist Fabrizio Romano "kanonirlar" ispaniyalik futbolchining transferi uchun taxminan 65 mln yevro to'lashi haqida xabar bergan edi. Bu summa bir necha bosqichda o'tkaziladi.

Futbolchi o'tgan mavsum "Real Sosyedad" safida barcha musobaqalarda 48 ta o'yinda maydonga tushib, 2 ta gol va 2 ta golli uzatmani amalga oshirdi. Transfermarkt portali 26 yoshli yarim himoyachining narxini 60 mln yevroga baholamoqda.

Aloqador jamoalar va ligalar

Arsenal

Angliya Premer-ligasi