“Arsenal” Kepa Arrizabalaga uchun qancha to'lashi ma'lum bo'ldi

Futbol 08 iyn 2025 da 04:37

Nasrullo Karimov

Jurnalist

Londonning “Arsenal” klubi ispaniyalik posbon Kepa Arrizabalaga transferi uchun 5 million funt tovon puli to'laydi. Bu haqda talkSPORT nashri xabar bermoqda.

Manbaga ko'ra, “kanonirlar” David Rayaga sherik bo'ladigan darvozabon qidirmoqda. Qayd etilishicha, Kepa “Arsenal”ning yozgi transferlar vaqtidagi ilk yangi futbolchisi bo'ladi.

“Arsenal” dastlab “Espanyol” darvozaboni Joan Garsiyaga qiziqish bildirayotgandi, biroq ispaniyalik golkiper faoliyatini “Barselona”da davom ettirishni ma'qul ko'rdi.

Ma'lumot uchun, Kepa Arrizabalaga o'tgan mavsumni “Bornmut”da ijarada o'tkazdi. Bu davr ichida u barcha turnirlarda 35 ta o'yin o'tkazib, ularning 9 tasida o'z darvozasi daxlsizligini saqlab qoldi.