Arda Gyuler “Arsenal”ga o‘tishi mumkin
Photo: Getty Images
Madridning “Real” jamoasi yarim himoyachisi Arda Gyuler faoliyatini “Arsenal”da davom ettirishi mumkin.
Marca xabar berishicha, “to‘pchilar” turkiyalik iqtidorli xavbek uchun 40 million yevro sarflashga tayyor. Shuningdek, Gyuler xizmatiga “Aston Villa”, “Liverpul” va “Tottenxem” jamoalari tomonidan ham qiziqish bor.
Futbolchi “Real”da asosiy tarkibdan joy olmayotganidan norozi va ko‘proq o‘yin amaliyotiga ega bo‘lish tarafdori. Shu sababli yozda APLga yo‘l olishi ehtimoli bor.
Ma’lumot uchun, Arda joriy mavsum “Real” tarkibida 34 ta o‘yinda 3 gol urdi va 7 assist qayd etdi.
Roziqjon Sultonmurodov
Jurnalist
