Arbeloa Karvaxal va Mbappening holati haqida gapirdi
"Real" bosh murabbiyi Alvaro Arbeloa Ispaniya chempionatining 34-turida "Espanyol" ustidan 2:0 hisobida g‘alaba qozonilgan o‘yindan so‘ng “qaymoqranglilar” hujumchisi Kilian Mbappe va Madrid klubi himoyachisi Daniel Karvaxalning sog‘lig‘i haqida fikr bildirdi.
“Bu hafta Mbappening ahvoli qanday bo‘lishini ko‘ramiz. O‘tgan haftadagi testlardan so‘ng hammasi uzoqroqqa cho‘ziladigandek tuyulgandi, ammo... uning tiklanishi qanday ketishini ko‘ramiz. Karvaxal bilan ham xuddi shunday. Menda uning mavsum oxirigacha o‘ynay olishiga, tiklanib, maydonga tushgan holda mavsumni munosib yakunlashiga hali ham katta umid bor. Menimcha, Dani Karvaxal bunga loyiq. Shunday emasmi?” — deya Arbeloaning so‘zlarini keltiradi AS nashri.
Eslatib o‘tamiz, Mbappe La Liganing 32-turida “Betis”ga qarshi o‘yinda chap oyog‘ining yarim pay mushagidan jarohat olgan edi. Karvaxalda esa 2-may kuni o‘ng oyog‘ining beshinchi barmog‘i distal falangasining yorilishi tashxisi qo‘yilgandi.
