Araujo «Barselona»da qolishni istamoqda
«Barselona» klubi himoyachisi Ronald Araujo atrofidagi transfer mish-mishlariga qaramay, jamoada qolish niyatida. Bu haqida Cadena SER nashri xabar berdi.
Avvalroq OAVda «Barselona» urugvaylik himoyachini sotilishi mumkin bo‘lgan futbolchilardan biri sifatida ko‘rayotgani haqida ma’lumotlar tarqalgan edi. Biroq futbolchining atrofidagilar uning klubda qolishi kerak deb hisoblashmoqda. Manbaga ko‘ra, Araujoning o‘zi ham aynan shu fikrda.
Eslatib o‘tamiz, Ronald Araujo «Barselona» asosiy jamoasi safida 2020 yildan buyon to‘p surib kelmoqda.
2025/2026 yilgi mavsumda u barcha musobaqalar doirasida 38 ta uchrashuvda maydonga tushib, 4 ta gol muallifi bo‘ldi.
Shuningdek, so‘nggi vaqtlarda ommaviy axborot vositalarida Araujoning ruhiy holati bilan bog‘liq ayrim muammolar haqida ham xabarlar tarqalgan edi.
