APL. Siti bir necha yildan keyin mehmonda Liverpulni mag'lubiyatga uchratdi
APL 25-tur doirasidagi Liverpul hamda Manchester Siti jamoalari o'rtasidagi uchrashuv bo'lib o'tdi. Ushbu qarama-qarshilikda shaharliklar kambek evaziga g'alabani ilib ketdi.
Bahs 1:2 hisobida mehmonlarning g‘alabasi bilan yakuniga yetdi. Soboslai 74-daqiqada supergol bilan hisobni ochdi. Oradan 10 daqiqa o‘tib, Silva muvozanatni tikladi. 90+3-daqiqada Holand penaltini aniq amalga oshirdi.
O‘zbekiston milliy jamoasi himoyachisi Abduqodir Husanov asosiy tarkibda maydonga tushib, jarohat sabab 61-daqiqada zaxiraga olindi. Donnarumma bilan to‘qnashib ketib, hushini yo‘qotdi. Gvardiola esa o‘yinni davom ettirishni istagan himoyachini zaxiraga olishga qaror qildi.
Natijada «Liverpul» 40 ochko bilan 6-o‘rinda bormoqda. «Siti» 50 ochko to‘plab, 2-pog‘onada.
APL. 25-tur
Liverpul – Manchester Siti 1:2
Gollar: Soboslai 74 – Silva 84, Holand 90+3.
Liverpul – Alisson, van Deyk, Konate, Kerkez (Kiyeza, 90+4), Makallister, Soboslai, Gravenberh, Gakpo (Jons, 85), Virts, Saloh, Ekitike.
Manchester Siti – Donnarumma, Nunes, Abduqodir Husanov (Diash, 61), Gehi, Ait-Nuri, O'Rayli, Rodri, Silva, Semenyo (Ake, 90+7), Marmush (Sherki, 61), Holand.
Ogohlantirishlar: van Deyk 47 – Marmush 42, Gehi 69.
Chetlatish: Soboslai 90+13.
