APL. «Aston Villa» Uotkinsning dubli evaziga safarda «Chelsi»ni magʻlub etdi
Angliya Premyer-ligasining 18-turi doirasida «Chelsi» hamda «Aston Villa» jamoalari o‘rtasidagi uchrashuv yakuniga yetdi. «Stemford Brij» stadionida bo‘lib o‘tgan bahsda mehmonlar 2:1 hisobida g‘alaba qozondi.
O‘yinning 37-daqiqasida Joau Pedru hisobni ochib, londonliklarni oldinga olib chiqdi. Biroq ikkinchi bo‘limda «Aston Villa» tashabbusni o‘z qo‘liga oldi. 63-daqiqada Olli Uotkins muvozanatni tikladi, 84-daqiqada esa u dublni rasmiylashtirib, jamoasiga muhim g‘alabani taqdim etdi.
Mazkur uchrashuvdan so‘ng «Chelsi» 29 ochko bilan Angliya chempionati turnir jadvalida beshinchi o‘rinni egallab turibdi. «Aston Villa» esa 39 ochko jamg‘argan holda uchinchi pog‘onada bormoqda.
APL. 18-tur
«Chelsi» — «Aston Villa» 1:2
Gollar: Pedru (37) — Uotkins (63, 84).
