APL. «Arsenal» oʻz maydonida «Brayton»ni magʻlub etib, yana birinchi oʻringa qaytdi
Angliya Premyer-ligasining 18-turi doirasidan oʻrin olgan «Arsenal» va «Brayton» jamoalari o‘rtasidagi bahs boʻlib oʻtdi. Unda mezbonlar 2:1 hisobida g‘alabani qo‘lga kiritdi.
Hisob 14-daqiqada «Arsenal» yarimhimoyachisi Martin Edegor tomonidan ochildi. 52-daqiqada esa mehmonlar hujumchisi Jorjinyo Ryutter o‘z darvozasiga gol urib qo‘ydi. 64-daqiqada «Brayton» yarimhimoyachisi Diego Gomes bitta gol bilan javob qaytardi, ammo bu yakuniy natijaga ta’sir qilmadi.
18 turdan so‘ng «Arsenal» 42 ochko bilan Angliya chempionati turnir jadvalida peshqadamlik qilmoqda. «Brayton» esa 24 ochko bilan 12-o‘rinda joylashgan.
Keyingi turda, 30 dekabr kuni «Arsenal» o‘z maydonida «Aston Villa»ni qabul qiladi. «Brayton» esa shu kuni safarda «Vest Hem»ga qarshi bahs olib boradi.
APL. 18-tur
«Arsenal» — «Brayton» 2:1
Gollar: Edegor (14), Ryutter (avtogol, 52) — Gomes (64).
