Angliya Liga Kubogi. Husanov asosiy tarkibda maydonga tushgan bahsda «Man Siti» irodali gʻalabani qoʻlga kiritdi
Angliya Liga Kubogi 1/8 finalidan oʻrin olgan bahsda «Manchester Siti» safarda «Suonsi» mehmoni boʻldi va 3:1 hisobida gʻalaba qozondi.
Dastlab hisob 12-daqiqada Gonsalo Franko tomonidan ochildi. 39-daqiqada Jeremi Doku muvozanatni tikladi.
77-daqiqada Omar Marmush «shaharliklar»ni hisobda oldinga olib chiqqan boʻlsa, 90+3-daqiqada Rayan Sherki uchrashuvga mantiqiy nuqta qoʻydi.
Jarohatidan sogʻayib qaytgan oʻzbekistonlik himoyachi Abduqodir Husanov esa asosiy tarkibda maydonga tushib, 63 daqiqa harakat qildi.
Angliya Liga Kubogi. 1/8 final
«Suonsi» — «Man Siti» 1:3
Gollar: Franko (12) — Doku (39), Marmush (77), Sherki (90+3).
Suonsi — Fisher, Key, Keysi, Burjess, Semuels-Smit (Kallen, 83), Taymon, Inussa (Ronald, 60), Franku (Fulton, 69), Gelbrayt, Videll (Benson, 69), Ayda (Vipotnik, 60).
Manchester Siti — Trafford, Lyuis, Husanov (Fillips, 63), Ake, Ait-Nuri (Gvardiol, 63), Niko, Mukasa (Foden, 63), Bob, Sherki, Marmush, Doku.
