Andrey Lunin faoliyatini Ispaniyaning boshqa top-klubida davom ettirishi mumkin

Futbol 10 may 2025 da 09:41

Nasrullo Karimov

Журналист

Madridning “Real” klubi darvozaboni Andrey Lunin faoliyatini Ispaniyaning boshqa top-klubida davom ettirishi mumkin. Bu haqda Defense Central nashri xabar bermoqda.

Manbaga ko'ra, “Atletiko Madrid” ukrainalik golkiperga qiziqish bildirmoqda va uni yozgi transferlar vaqtida o'z safiga qo'shib olmoqchi. “Matraschilar” bosh murabbiyi Diyego Simeone jamoasiga yangi darvozabon qidirmoqda.

Luninning “Real” bilan shartnomasi 2030-yilgacha mo'ljallanganiga qaramay, darvozabonning klub bilan og'zaki kelishuvi bor. Agar unga foydali taklif kelib tushsa, transfer amalga oshirilishi mumkin.

Ma'lumot uchun, Lunin joriy mavsum 12 ta o'yinda maydonga tushib, 4 tasida o'z darvozasi daxlsizligini saqlab qolgan. Uning Transfermarkt'dagi narxi 20 million yevroga baholanmoqda.

Aloqador jamoalar va ligalar

Real Madrid

Atletico Madrid

Ispaniya La Ligasi