Anchelotti JCh-2026 favoritlari qatoriga Braziliyani qo‘shishni istamadi
Ular favoritlar deb 6 ta terma jamoani sanadi.
ФОТО: Getty images
Braziliya terma jamoasi bosh murabbiyi Karlo Anchelotti kelasi yil yozida AQSH, Kanada va Meksikada bo‘lib o‘tadigan JCh-2026 favoritlarini aytib o‘tdi.
"Favoritlarmi? Odatdagidek. Fransiya, Ispaniya, Angliya, Germaniya, Argentina, Portugaliya. Ammo JCh-2026da 48 ta jamoa bo‘ladi, shuning uchun kutilmagan hodisalar bo‘lishi mumkin. Ertaga biz Angliyani 3:1 hisobida mag‘lub etgan Senegal bilan o‘ynaymiz. Ular xuddi Marokash kabi kuchli jamoa", - deya Anchelotti so‘zlarini keltiradi Sky Sports Italia.
Eslatib o‘tamiz, Argentina amaldagi jahon chempioni. 2022 yilgi turnir finalida Argentina terma jamoasi Fransiya bilan to‘qnash keldi. O‘yin asosiy vaqti 3:3 hisobida yakunlandi, ammo penaltilar seriyasida Argentina ustun keldi (4:2).
