Anchelotti Eldor Shomurodovning murabbiyi bo'ladimi?
Karlo Anchelottining o‘g‘li — Davide Anchelotti — yaqin kunlarda mustaqil murabbiylik faoliyatini boshlashi mumkin. Bu haqda mashhur insayder Nikolo Skira xabar berdi. 34 yoshli mutaxassis so‘nggi yillarda otasi bilan birga Yevropa grandi jamoalarida ishlagan va hozirda turli takliflarni ko‘rib chiqmoqda. Manbalarga ko‘ra, eng real variantlardan biri — Shotlandiyaning "Reyndjers" klubi.
"Reyndjers"dan tashqari, Davidega Ispaniya La Ligasining ikki jamoasi ham qiziqish bildirgan, ammo ularning nomi hozircha oshkor etilmagan. Yana bir ehtimoliy yo‘nalish — Eldor Shomurodov to‘p surayotgan Italiyaning "Roma" klubi.
Karlo Anchelottining "Real"ni yaqin vaqt ichida tark etishi Davidega ham yangi bosqichni boshlash imkonini yaratadi. U qayerda faoliyat boshlaydi — Shotlandiya, Ispaniya yoki Italiyada — buni vaqt ko‘rsatadi.
