Anchelotti Braziliya terma jamoasini qabul qilmaydi: sabablar va «Al-Hilol»dan yangi taklif
Karlo Anchelottining Braziliya terma jamoasi bilan kelishuvi amalga oshmadi. Relevo nashrining xabariga ko‘ra, asosiy sabab — «Real Madrid» klubining pozitsiyasi bo‘ldi: jamoa murabbiyni 2025 yil AQShda bo‘lib o‘tadigan Klublar o‘rtasidagi jahon chempionatigacha qo‘yib yubormoqchi emas.
Bu holat Braziliya futbol konfederatsiyasining rejalariga to‘g‘ri kelmadi — ular yangi bosh murabbiyni iyun oyidagi uchrashuvlarga tayinlashni istagan. Natijada muzokaralar to‘xtatildi va tomonlar kelishuvga erisha olmadi. Hozirgi kunda Braziliya terma jamoasi bosh murabbiyligi uchun asosiy nomzod sifatida «Al-Hilol»ni boshqarayotgan portugaliyalik Jorje Jezush ko‘rilmoqda.
Shu paytda Karlo Anchelotti boshqa taklif oldi — aynan shu «Al-Hilol»dan. Marca nashrining ma’lumotiga ko‘ra, Saudiya klubi unga yiliga 50 million yevro maosh to‘lanadigan shartnoma taklif qilgan. 65 yoshli mutaxassis hozirda o‘z kelajagi borasida qaror qabul qilish arafasida.
