Anchelotti: «Biz eng yaxshi o‘yinimizni namoyish etishimiz kerak»
Braziliya terma jamoasi bosh murabbiyi Karlo Anchelotti JCH-2026 1/8 finalida Norvegiyaga qarshi bo‘lib o‘tadigan uchrashuv oldidan raqibning kuchli tomonlarini baholadi.
«Norvegiya juda murakkab raqib. Bu yaxshi shakllangan tuzilmaga, yuqori mahoratga va a’lo darajada tashkil etilgan o‘yinga ega jamoa. Ular hujumda katta salohiyatga ega bo‘lish bilan birga, yaxshi muvozanatni ham saqlaydi. Norvegiya hujumkor futbol o‘ynaydi, shuning uchun ularga qarshi tezkor qarshi hujumlar uyushtirish juda qiyin. Chunki ularning markaz chizig‘i juda yaxshi harakat qiladi.
Biz eng yaxshi futbolimizni namoyish etishimiz kerak va menimcha, aynan hozir biz bunga qodirmiz. Yaponiyaga qarshi qiyin uchrashuvdan keyin o‘zimizga bo‘lgan ishonchimiz yanada oshdi. Biz yanada kuchliroq bo‘lishga intilayapmiz va har qanday ssenariyga tayyormiz», — dedi Anchelotti Braziliya terma jamoasi matbuot xizmatiga.
