Alonso «Real» uchun «yangi Kroos» topdi

Madridning «Real» klubi «Kristal Pelas» yarimhimoyachisi Adam Uortonga jiddiy qiziqish bildirmoqda. Bu haqda El Nacional nashri xabar berdi.

Manbaga koʻra, «qaymoqranglilar» bosh murabbiyi Xabi Alonso 21 yoshli angliyalik futbolchini «yangi Toni Kroos» deb hisoblaydi va uning transferini shaxsan so‘ramoqda. «Real» Uorton uchun 60 million yevro toʻlashga tayyor.

Maʼlumot uchun, Uorton joriy mavsum barcha turnirlarda 13 ta oʻyin oʻtkazib, 1 ta golli uzatma amalga oshirdi. Uning «Kristal Pelas» bilan tuzgan amaldagi shartnomasi 2029 yilning yozida yakuniga yetadi.

Transfermarkt portali maʼlumotlariga koʻra, Adamning hozirgi bozor qiymati 60 million yevroni tashkil etadi.

Nasrullo Karimov

Jurnalist