\"Al-Nassr\"-\"Al-Ittihod\" uchrashuvida janjal chiqib ketdi
Saudiya Arabistoni Professional ligasining 30-tur doirasida “Al-Nassr” va “Al-Ittihod” jamoalari o‘rtasidagi o‘yin qizg‘in tugadi.
Uchrashuv tugaganidan so‘ng maydonda tortishuv kelib chiqdi. Avvalgi holat “Al-Nassr” futbolchisi Al-Xaybari hamda “Al-Ittihod” a’zosi Diabi o‘rtasida yuzaga keldi — ular maydon markazida tortishib ketishdi. Shundan so‘ng ikki jamoa a’zolari maydonga tashlanib, bir necha daqiqa davomida vaziyatni tinchlantirish imkonsiz bo‘ldi.
Mazkur bellashuvda Krishtianu Ronaldu gol urgani yo‘q. “Al-Nassr”ning yagona goliga Mane mualliflik qilgan bo‘lsa, “Al-Ittihod” safida Benzema va Kante o‘z nomlarini tabloga yozdirishdi. Hozirgi kunda “Al-Nassr” turnir jadvalida to‘rtinchi o‘rinni egallab turibdi, “Al-Ittihod” esa etakchi pozitsiyani band etgan.
