Alisher Shukurov «Qizilqum»ni tark etdi
Futbolchi Navoiy jamoasi safida 8 ta oʻyinda maydonga tushdi.
Фото: Қизилқум ПФК
“Qizilqum” jamoasi tarkibida oʻzgarishlar davom etmoqda.
Sports24.uz xabar berishicha, jamoani tojikistonlik yarim himoyachi Alisher Shukurov tark etdi. U mavsum boshida jamoa safiga kelib qoʻshilgandi.
Bu vaqt davomida Shukurov 8 ta oʻyinda maydonga tushdi. Shundan 2 tasini asosiy tarkibda boshladi. 256 daqiqa davomida oʻynagan va birorta samarali harakatni amalga oshirmagan.
24 yoshli futbolchi endilikda faoliyatini Tojikiston chempionatida davom ettirishi kutilmoqda.
