Akanji: «Hatto o‘n kishi bo‘lib ham oxirigacha kurashdik»
Shveytsariya terma jamoasi himoyachisi Manuel Akanji Argentina bilan bo‘lib o‘tgan Jahon chempionati–2026 chorak finalidagi mag‘lubiyatdan so‘ng hakamlik borasida o‘z e’tirozlarini bildirdi.
«O‘yin tugaganidan keyin xayolimga kelgan birinchi narsa — shu jamoa bilan naqadar faxrlanishim bo‘ldi. Argentina ochiq o‘yinda deyarli hech qanday imkoniyat yarata olmadi. Afsuski, Xulian Alvares urgan gol tasodif emasdi.
Odatda hakamlar haqida shikoyat qilmayman, ammo bugun barcha qarorlar ularning foydasiga chiqdi. Men hech qachon bu qadar bir tomonlama boshqarilgan o‘yinda qatnashmaganman.
Raqib futbolchilarining simulyatsiyalari uchun birorta ham jazo berilmadi. Ular asosiy vaqt davomida hattoki bitta ham sariq kartochka olishmadi. Ammo Bril Embolo ishtirokidagi vaziyatda hakam darhol unga sariq kartochka ko‘rsatdi.
Shunga qaramay, biz o‘n kishi bo‘lib qolganimizdan keyin ham qo‘limizdan kelgan barcha ishni qildik. Albatta, Bril jamoamizning juda muhim a’zosi. Biz uni to‘liq qo‘llab-quvvatlaymiz», — dedi Akanji Blick nashriga bergan intervyusida.
