Аканжи: «Ҳатто ўн киши бўлиб ҳам охиригача курашдик»
Швейцария терма жамоаси ҳимоячиси Мануэль Аканджи Аргентинага қарши Жаҳон чемпионати–2026 чорак финалидаги мағлубиятдан сўнг ҳакамлик борасида ўз эътирозларини билдирди.
«Ўйин тугаганидан кейин хаёлимга келган биринчи нарса — шу жамоа билан нақадар фахрланишим бўлди. Аргентина очиқ ўйинда деярли ҳеч қандай имконият ярата олмади. Афсуски, Хулиан Альварес урган гол тасодиф эмасди.
Одатда ҳакамлар ҳақида шикоят қилмайман, аммо бугун барча қарорлар уларнинг фойдасига чиқди. Мен ҳеч қачон бу қадар бир томонлама бошқарилган ўйинда қатнашмаганман.
Рақиб футболчиларининг симуляциялари учун бирорта ҳам жазо берилмади. Улар асосий вақт давомида ҳатто битта ҳам сариқ карточка олмади. Аммо Брил Эмболо иштирокидаги вазиятда ҳакам дарҳол унга сариқ карточка кўрсатди.
Шунга қарамай, биз ўн киши бўлиб қолганимиздан кейин ҳам қўлимиздан келган барча ишни қилдик. Албатта, Брил жамоамизнинг жуда муҳим аъзоси. Биз уни тўлиқ қўллаб-қувватлаймиз», — деди Аканжи Blick нашрига берган интервьюсида.
