Adeyemi «Barselona» uchun tibbiy ko‘rikdan muvaffaqiyatli o‘tdi
Dortmundning «Borussiya» klubi vingeri Karim Adeyemi «Barselona»ga o‘tish oldidan tibbiy ko‘rikdan muvaffaqiyatli o‘tdi. Bu haqda AS nashri xabar berdi.
Manbaga ko‘ra, 24 yoshli germaniyalik futbolchi Kataloniya klubi bilan 5 yillik shartnoma imzolagan.
Xabarga ko‘ra, Adeyemining transferi 18 iyul, shanba kuni rasman e’lon qilinishi rejalashtirilgan. Shuningdek, aynan shu kuni futbolchi «ko‘k-anorranglilar» safidagi ilk mashg‘ulotida ishtirok etishi mumkin.
Biroq hujumchining rasmiy taqdimoti kelasi haftadan oldin bo‘lmaydi. Sababi, «Barselona» rahbariyati ayni paytda AQSHda bo‘lib turibdi va klub vakillari qaytganidan so‘ng taqdimot marosimi o‘tkaziladi.
«Barselona» ushbu transfer uchun «Borussiya»ga 22 million yevro qat’iy to‘lov amalga oshiradi. Bundan tashqari, kelishuvga 7 million yevrogacha bo‘lgan bonuslar ham kiritilgan.
