Abduqodir Husanov faoliyatini A Seriyada davom ettirishi mumkin
FOTO: Getty Images
“Manchester Siti” himoyachisi Abduqodir Husanov faoliyatini Italiya A Seriyasida davom ettirishi mumkin. Bu haqda LaLazio nashri xabar bermoqda.
Manbaga ko'ra, Turinning “Yuventus” klubi 21 yoshli futbolchiga qiziqish bildirmoqda va yozgi transferlar oynasida uni ijara olishga harakat qiladi.
Qayd etilishicha, “shaharliklar” ham Husanovning ko'proq o'yin amaliyotiga ega bo'lishi uchun boshqa jamoaga ijaraga qo'yib yuborishga qarshi emas.
Eslatib o'tamiz, Abduqodir Husanov qishki transferlar vaqtida “Lans”dan “Manchester Siti” safiga kelib qo'shilgandi. U joriy mavsum “shaharliklar” safida jami 9 ta o'yin o'tkazib, bitta golga mualliflik qildi.
Nasrullo Karimov
Jurnalist
