6 may kuni bo‘lib o‘tgan Chempionlar Ligasi yarim final uchrashuvi yakuniga yetganda, “Inter” muxlisi yurak xurujiga uchradi
Ma'lumotlarga ko'ra, jabrlanuvchi erkak “40 yoshdan sal oshgan”. O'yin oxirida u to‘satdan yerga yiqilib, hushini yo‘qotgan. Tezkor yordam ko‘rsatilgan va yuragi qayta ishga tushirilgan. U farmakologik komaga kiritildi va holati barqarorlashgach, shifoxonaga yetkazilgan. Hozirda u koma holatida, ertaga uyg‘otilishi kutilmoqda. Tekshiruvlarga ko‘ra, unda nevrologik buzilishlar aniqlanmagan.
Eslatib o‘tamiz, 6 may kuni UEFA Chempionlar Ligasi yarim finalining javob uchrashuvi bo‘lib o‘tdi. Unda “Inter” va “Barselona” jamoalari raqobatlashdi. Bellashuv Milandagi stadionda o‘tkazildi. Uchrashuvga polyak hakami Shimon Marçinyak hakamlik qildi. Uy egasi jamoadan 4:3 hisobida g‘alaba qozondi. Ikki uchrashuv natijalariga ko‘ra, hisob 7:6 bo‘lib, “Inter” finalga yo‘l oldi.
