Жокович “Ролан Гаррос”да 100 ғалабага эришган дунёнинг иккинчи теннисчисига айланди
Дунёнинг олтинчи ракеткаси Новак Жокович Парижда бўлиб ўтаётган “Катта дубулға” туркумига кирувчи “Ролан Гаррос” турнирида чорак финалга йўл олди. Сербиялик теннисчи 1/8 финалда ATP рейтингида 81-ўринда турувчи британиялик Кэмерон Норрини 6:2, 6:3, 6:2 ҳисобида мағлуб этди. Бу натижа билан уларнинг ўзаро ҳисобида Жокович 6:0 устунликка эга бўлди.
Дуэл икки соат 15 дақиқа давом этди. Жокович 4 та, Норри эса 2 та эйс зарбасини йўллади. Қўшхатолар сони бўйича Новакда 3, Норрида 1 та қайд этилди. Брейк пойнтлар бўйича устунлик Жоковичда — 7:2.
Шу натижа орқали Жокович “Ролан Гаррос” тарихида 100 ғалабага эришган дунёнинг иккинчи теннисчисига айланди. Бунга қадар бундай натижага фақат Рафаэль Надаль эришган — у турнирда 112 ғалабага эга.
Энди Жокович ярим финалга чиқиш учун дунёнинг учинчи ракеткаси, германиялик Александр Зверевга қарши ўйнайди.
