Жокович илк бор «Australian Open» финалида мағлуб бўлди
«Катта дубулға» турнирларининг 24 карра ғолиби Новак Жокович профессионал фаолиятида илк марта «Australian Open» финалида мағлубият аламини татигани билан тарихга кирди. Австралия очиқ чемпионатининг 2026 йилги ҳал қилувчи баҳсида сербиялик афсона испаниялик Карлос Алкарасга 6:2, 2:6, 3:6, 5:7 ҳисобида имкониятни бой берди.
Жокович «Australian Open»нинг ҳақиқий қироли ҳисобланади — у мазкур турнирда 10 марта чемпионлик шоҳсуфасига кўтарилган. Новак ўзининг Мельбурндаги илк титулини 2008 йилда франциялик Жо-Вилфрид Тсонгага ғалаба қозониб қўлга киритган эди.
Унинг ушбу турнирдаги сўнгги ғалабаси 2023 йилга тўғри келади (ўшанда финалда Стефанос Циципас мағлуб этилган). Шу вақтгача Новак финалга чиққан барча 10 та ҳолатда ҳам бош соврин билан қайтган эди, бироқ Алкарас бу серияга нуқта қўйди.
Шунингдек, 38 ёшли Жокович «Australian Open» тарихида финалга чиққан энг ёш теннисчи сифатида рекорд ўрнатди.
