Ўзбекистонлик теннисчиларнинг халқаро мусобақалардаги ўйин якунлари
Расм: Olamsport.uz Ҳумоюн Султонов
Ҳумоюн Султонов Италиянинг Барлетта шаҳрида ўтаётган «Челленжер» халқаро мусобақасида иштирок этмоқда. Дунёнинг 229-поғонасида бораётган ўзбекистонлик теннисчи биринчи даврада жаҳон рейтингининг 327-ўрини эгаллаб турган Украина вакили Александр Овчаренкога қарши кортга чиқди. Учрашув 3 сетда якунланди ва 2 соат 28 дақиқа давом этди. Ўйиннинг якуний ҳисоби 2:6 7:6 (3) 7:5 Ҳумоюн фойдасига, шу тариқа у 1/16 га тушади ва у ерда 320-ўринни эгаллаб турган хорватиялик Маттей Додиг билан ўйнайди. Ўйин 3-апрел куни соат 13:00 да бошланади.
Шунингдек, Фарғонада теннис бўйича ёшлар ўртасидаги турнирга старт берилди. Иккинчи даврага Ўзбекистон шарафини Абдураҳмон Каримов, Злата Чинова ва Нигина Алимова ҳимоя қилди.
Бакрадзе Иман
Редактор