O‘zbekistonlik tennischilarning xalqaro musobaqalardagi o‘yin yakunlari
Humoyun Sultonov Italiyaning Barletta shahrida o‘tayotgan «Chellenjer» xalqaro musobaqasida ishtirok etmoqda. Dunyoning 229-pog‘onasida borayotgan o‘zbekistonlik tennischi birinchi davrada jahon reytingida 327-o‘rinda borayotgan Ukraina vakili Aleksandr Ovcharenkoga qarshi kortga chiqdi. Uchrashuv 3 setda yakunlandi va 2 soat 28 daqiqa davom etdi. O‘yinning yakuniy hisobi 2:6 7:6 (3) 7:5 Humoyun foydasiga, shu tariqa u 1/16 ga tushadi va u yerda 320-o‘rinni egallab turgan xorvatiyalik Mattej Dodig bilan o‘ynaydi. O‘yin 3-aprel kuni soat 13:00 da boshlanadi.
Shuningdek, Farg‘onada tennis bo‘yicha yoshlar o‘rtasidagi turnirga start berildi. Ikkinchi davraga O‘zbekiston sharafini Abdurahmon Karimov, Zlata Chinova va Nigina Alimova himoya qildi.
