Ўзбекистонлик теннисчилар Уимблдон баҳсларини бошлайди
Буюк Британияда мавсумнинг учинчи «Катта Дубулға» турнири – Уимблдон баҳслари старт олмоқда.
photo: Tennis Uzbekistan
Буюк Британияда мавсумнинг учинчи «Катта Дубулға» турнири – Уимблдон баҳслари старт олмоқда.
Аёллар ўртасидаги саралаш мусобақасида Ўзбекистон шарафини Мария Тимофеева ва Полина Кудерметова ҳимоя қилади. Мария Тимофеева саралаш турнирида биринчи рақам остида таснифланган бўлса, Полина Кудерметова ҳам асосий тўр йўлланмаси учун кураш олиб боради.
Шунингдек, Ўзбекистоннинг биринчи ракеткаси Камила Раҳимова ўз рейтинги орқали Уимблдоннинг асосий тўрига тўғридан-тўғри йўлланма олди ва мусобақани асосий босқичдан бошлайди.
Саралашнинг илк босқичида Мария Тимофеева америкалик Whitney Osuigwe'га, Полина Кудерметова эса франциялик Jessika Ponchet'га қарши кортга чиқади.
Теннисчиларимизга Уимблдонда омад тилаймиз!
Иброҳим Жалолов
Редактор