O‘zbekistonlik tennischilar Uimbldon bahslarini boshlaydi
Buyuk Britaniyada mavsumning uchinchi «Katta Dubulg‘a» turniri - Uimbldon bahslari start olmoqda.
Ayollar o‘rtasidagi saralash musobaqasida O‘zbekiston sharafini Mariya Timofeyeva va Polina Kudermetova himoya qiladi. Mariya Timofeyeva saralash turnirida birinchi raqam ostida tasniflangan bo‘lsa, Polina Kudermetova ham asosiy to‘r yo‘llanmasi uchun kurash olib boradi.
Shuningdek, O‘zbekistonning birinchi raketkasi Kamilla Raximova o‘z reytingi orqali Uimbldonning asosiy to‘riga to‘g‘ridan-to‘g‘ri yo‘llanma oldi va musobaqani asosiy bosqichdan boshlaydi.
Saralashning ilk bosqichida Mariya Timofeyeva amerikalik Whitney Osuigwega, Polina Kudermetova esa fransiyalik Jessika Ponchetga qarshi kortga chiqadi.
Tennischilarimizga Uimbldonda omad tilaymiz!
