Ўзбекистонлик теннисчилар халқаро ареналарда иштирок этмоқда: учрашувлар натижалари
9 апрель куни ўзбекистонлик теннисчи Ҳумоюн Султонов Италиянинг Монца шаҳрида ўтаётган турнир доирасида ўйин ўтказди. Унинг рақиби турнирнинг биринчи рақамли теннисчиси бўлган бельгиялик спортчи бўлди. У жаҳон рейтингида 91-ўринни эгаллаган. Султонов эса 229-ўринда жойлашган. Учрашув уч сетда якунланди: 2:6, 6:4, 0:6. Ҳумоюн Султонов мағлубиятга учраб, мусобақани тарк этди.
Айни пайтда Туркияда бўлиб ўтаётган бошқа бир турнирда Сергей Фомин мусобақани ғалаба билан бошлади. У Чехия вакили Ян Кумстатни 6:2, 6:2 ҳисобида мағлуб этди. Кейинги босқичда Фомин яна бир чех теннисчиси — Зденек Коларжга қарши майдонга тушади. У жаҳон рейтингида 418-ўринда жойлашган.
Жуфтлик баҳсларида эса Фомин Павел Вербений билан бирга иккинчи даврага йўл олди. Улар Германиялик жуфтликни 7:6, 4:6, 10:7 ҳисобида мағлуб этишди. Кейинг турда улар Норвегиялик теннисчиларга қарши ўйнашади.
