Ўзбек теннисчилари учун халқаро мусобақалардаги навбатдаги ҳафта старт олди
Италиянинг Монца шаҳрида ATP Challenger 100 туркумидаги теннис турнирининг асосий босқичлари бошланди. Мазкур мусобақа 145 250 евро мукофот жамғармасига эга.
Ўзбекистоннинг биринчи ракеткаси Ҳумоюн Султонов захирадан асосий тўрга киритилди ва илк баҳсда муваффақиятли иштирок этди. У ATP рейтингида ўзидан юқори ўринни эгаллаб турган словак теннисчиси Лукаш Кляйнни 6:1, 6:3 ҳисобида мағлуб этди. Ҳозирда Султонов 229-поғонада, Кляйн эса 181-ўринда турибди. Навбатдаги босқичда ўзбекистонлик теннисчи Рафаэль Коллигон ва Федерико Цина жуфтлигидан ғолиб чиққан теннисчига қарши кураш олиб боради.
Шунингдек, Туркиянинг Анталия шаҳрида 30 000 долларлик мукофот жамғармасига эга халқаро турнир давом этмоқда. Унда Ўзбекистоннинг иккинчи ракеткаси ўз иштирокини чехиялик Ян Кумсатга қарши ўйин билан бошлайди.
