Ўзбекистонлик теннисчилар Фарғонадаги ITF J100 турнирида иккита чемпионлик унвонини қўлга киритишди
Ўзбекистонлик теннисчилар Фарғонадаги ITF J100 турнирида иккита чемпионлик унвонини қўлга киритишди.
Фарғона шаҳрида ўтказилган ITF World Tennis Tour Juniors тақвимига кирувчи J100 Hayot Bank Cup халқаро турнирида Ўзбекистон вакиллари муваффақиятли иштирок этишди.
Яккалик баҳсларида Маҳмудбек Бекназаров чемпионликни қўлга киритди. Финалда унинг рақиби, турнирнинг биринчи рақам остида сараланган Александр Куницин соғлиғи билан боғлиқ сабабга кўра кортга чиқа олмади. Натижада Бекназаров турнир ғолиби деб топилди.
Жуфтлик баҳсларида эса Ўзбекистон вакили Даниил Квасов беларуслик теннисчи Иван Самстика билан биргаликда чемпионликни қўлга киритди. Улар финалда Камал Фахретдинов ва Роман Кулпин жуфтлигини 7:6(5), 6:4 ҳисобида мағлуб этишди.
Теннисчиларимизни ушбу муваффақият билан табриклаймиз ва келгуси мусобақаларда янги ғалабалар тилаймиз!
