Ўзбекистонлик теннисчи Анталиядаги турнирда финалга чиқади
Расм: tennis.uz Сергей Фомин
29 март куни Тошкент вақти билан соат 12:00да ўзбекистонлик теннисчи Сергей Фомин россиялик Святослав Гулин билан ўйинни бошлади. Ўйин уч сетда 1:6, 7:6(5), 6:2 ҳисобида ўзбекистонлик спортчининг фойдасига якунланди.
Шундай қилиб, Фомин финалда руминиялик теннисчи Габриэл Гету билан беллашади. Ҳозирда Фомин жаҳон рейтингида 543-ўрнини эгаллаб турибди ва турнирда олтинчи рақам остида иштирок этмоқда. Габриэл 1228-поғонада жойлашган бўлиб, ушбу турнирда руминиялик ўйинчи саралаш орқали асосий таркибга кўшилди.
Сергей Фомин яна бир финалда, жуфтлик баҳсида россиялик Даниил Голубев билан ҳамкорликда белгиялик жуфтлик Жак Ложе ва Эмилиан Деманетга қарши майдонга тушади.
Бакрадзе Иман
Редактор