Ўзбекистон терма жамоаси Дэвис кубоги III гуруҳи Осиё/Океания мусобақасидаги иккинчи учрашувини Филиппинга қарши ўтказди
Яккалик баҳсларида Сергей Фомин Альберто Лимни 6:4, 6:2 ҳисобига мағлуб этиб, жамоамизга муҳим очко келтирди.
photo: Tennis Uzbekistan
Ўзбекистон терма жамоаси Дэвис кубоги III гуруҳи Осиё/Океания мусобақасидаги иккинчи учрашувини Филиппинга қарши ўтказди.
Яккалик баҳсларида Сергей Фомин Альберто Лимни 6:4, 6:2 ҳисобига мағлуб этиб, жамоамизга муҳим очко келтирди. Амир Милушев эса Эрик Жуниор Оливарасга 3:6, 2:6 ҳисобига имкониятни бой берди.
Жуфтлик учрашувида Дамир Абдусамадов ва Абдулазиз Усмонжонов тандеми Фрэнсис Кейси Алкантара / Рубен Гонзалес жуфтлигига қарши кураш олиб бориб, тай-брейк билан якунланган баҳсда 6:7(2), 4:6 ҳисобига мағлуб бўлди.
Натижада Ўзбекистон Филиппинга 1:2 ҳисобига имкониятни бой берди.
Гуруҳ босқичининг ҳал қилувчи учрашувида жамоамиз Иорданияга қарши кортга чиқади. Терма жамоамизга омад тилаймиз!
Иброҳим Жалолов
Редактор