Ўзбекистон қизлар терма жамоаси Billie Jean King Cup Juniors турнирини ТОП-6 таркибида якунлади

Қозоғистоннинг Чимкент шаҳрида ўтказилган Billie Jean King Cup Juniors Asia/Oceania Final Qualifying мусобақаси ўз якунига етди.

Ўзбекистон қизлар терма жамоаси турнирни 6-ўрин билан якунлаб, Осиё ва Океаниянинг энг кучли жамоалари қаторида жой олди. Мусобақа давомида теннисчиларимиз кучли рақибларга қарши муносиб кураш олиб бориб, қимматли халқаро тажриба тўплади.

Турнир якунларига кўра Япония, Корея, Хитой Тайпейи ҳамда Австралия терма жамоалари кучли тўртликдан жой олиб, ноябрь ойида Чехияда бўлиб ўтадиган жаҳон чемпионатининг финал босқичига йўлланма қўлга киритди.

Ўзбекистон терма жамоасини мусобақадаги муносиб иштироклари билан табриклаймиз ва келгуси стартларда омад тилаймиз!

Иброҳим Жалолов

Редактор