Ўзбек теннисчиси Сергей Фомин Анталиядаги турнир ярим финалига чиқди
Туркиядаги Анталия шаҳрида жаҳон теннисчиларининг иштирокида 25 минг долларлик халқаро турнир бўлиб ўтмоқда. Унда ўзбекистонлик теннисчи Сергей Фомин муваффақиятли иштирок этмоқда. 4 апрел куни 1/8 финал доирасида Фомин россиялик рақиби Алексей Ватутинга қарши баҳс олиб борди. Учрашув 7:6, 0:6, 6:4 ҳисобида ўзбек спортчиси фойдасига якунланди.
Ярим финалда Сергей Чехия вакили Мартин Крумихга қарши баҳс олиб боради. Икки теннисчи рейтинг бўйича бир-бирига яқин жойлашган — Фомин 555, Крумих эса 509-ўринда. Шунингдек, Фомин жуфтлик баҳсларида ҳам финалга чиқди. У Павел Вербен билан бирга норвегиялик жуфтликни уч сетда мағлуб этди. Учинчи сет тай-брейкгача борди ва унда ўзбекистонлик теннисчи ғалаба қозонди — 6:4, 3:6, 10:6.
Финалда Фомин ва Вербен туркиялик жуфтлик — Гёкберк Серитас ва Мерт Наки Туркерга қарши кортга чиқишади.
