Янник Синнер тарихдаги энг зўр грунт теннисчисини номлади
Дунё теннис рейтингининг етакчиси, италиялик Янник Синнер “Катта шлем” турнирларининг 22 карра чемпиони Рафаэл Надални тарихдаги энг зўр грунт кортлари теннисчиси, деб атади.
“Надал шубҳасиз, грунтдаги энг буюк теннисчи. У майдонда мукаммал ҳаракат қиларди, тўпга айланма беришни яхши биларди, жисмоний ҳолати ҳам идеал эди. У зўр интуицияга эга эди. Бу бизни — теннисчиларни ва ёш мухлисларни руҳлантирди. У шундай шахсни намоён этдики, камтар бўлиш билан бирга катта теннисчига айланиш мумкин эканини кўрсатди. Мен унга қарши ўйнаш ва ҳатто бирга машғулот ўтказиш бахтига муяссар бўлдим. Рафа қандай кўринса, шундай инсон. У ўзини бошқача кўрсатишга ҳаракат қилмайди — бу ажойиб ҳолат. У — эргашиш керак бўлган ҳақиқий намуна. Биз Рафа, Жокович ва Федерер каби теннис афсоналарини кўрганимиз ва улар билан таниш бўлганимиз учун омадлимиз” , — деди Синнер матбуот анжуманида.