Янник Синнер сўнгги 50 йил ичида Рим «Masters» турнирида ғолиб чиққан илк италиялик теннисчига айланди
«Катта дубулға» тўркумига кирувчи турнирларнинг тўрт карра ғолиби, дунёнинг биринчи рақамли теннисчиси Янник Синнер Рим (Италия) «Masters» турнирида ғалаба қозониб, сўнгги 50 йил ичида ушбу мусобақада чемпион бўлган илк италиялик спортчига айланди.
Рим тупроғида ғолиб чиққан сўнгги италиялик теннисчи Адриано Панатта бўлиб, у ушбу муваффақиятга профессионал даражада узоқ 1976 йилда эришган эди. Бугун, 17 май куни бўлиб ўтган ҳал қилувчи баҳсда Синнер норвегиялик Каспер Руудни 6:4, 6:4 ҳисобида таслим этди.
Римдаги ушбу чемпионлик Синнер учун фаолиятидаги 29-соврин, жорий мавсумдаги эса бешинчиси бўлди. Шу тариқа, у теннис тарихида кетма-кет 6 та «Masters» турнирида зафар қучган илк теннисчи сифатида қайд этилди. Шунингдек, Янник ATP-1000 тўркумига кирувчи барча 9 та турнирнинг ҳар бирида бош совринни қўлга киритган тарихдаги иккинчи ўйинчига айланди.
