Янник Синнер кетма-кет икки финалда сет йўқотмасдан ғалаба қозонган илк теннисчига айланди
Италиялик теннисчи, жаҳон рейтингида иккинчи ўринда турган Янник Синнер тарихий натижага эришди. Бугун, 16 ноябр куни у Туринда Карлос Алкарасни 7:6 (7:4), 7:5 ҳисобида мағлуб этиб, ATP Якуний чемпионатини кетма-кет иккинчи марта сет йўқотмай ютган биринчи теннисчига айланди.
Синнер 2024 йилги Якуний чемпионатни ҳам қўлга киритган эди, ўшанда у америкалик Тейлор Фритсни мағлуб этганди. Бугунги ғалаба италиялик теннисчи учун карьерасидаги 24‑чи ва жорий мавсумдаги 6‑чи турнир соврини бўлди.
Аввалроқ у Париж, Пекин, Вена турнирларида, шунингдек Уимблдон ва Australian Openда ҳам ғалаба қозонган.
Шунингдек, Синнер жаҳон рейтингидаги топ-10 ўйинчиларига қарши 59‑чи ғалабасини қўлга киритди. Сўнгги 78 учрашувининг 71 тасида у рақибларини доғда қолдиришга муваффақ бўлган.
